بقلم / خالد الترامسي
هيئة الأوقاف بوزارة الأوقاف أعلنت أن إجمالى تكلفة تشطيب شقة وزير الأوقاف بالمنيل من قبل شركة المحمودية على نفقة هيئة الأوقاف بما يعادل ٧٧١٦١٤ ألف جنيه ، والله الناس دي محترمة ودقيقة ، طيب لو صح كدة يا روح أمكوا يبقي إنتوا فاسدين معاه وطبعا إنتوا أكيد مشايخ بعمم برضو يبقي هنضيف إلية فاسدين كلمة ضلالية تبقوا ضلالية فاسدين وعشان الست أم محمد موصياني ، نظيف ” بالعامية ” كلب ،يبقي ،،،،،،، أنا لحد دلوقتي مستغرب هو ليه الناس خرجت علي مبارك لحد دلوقتي ، أظن مكناش بنسمع عن شغل العزب جمع ” عزبة ” أنا بيتهيألي لو الحاخامات في إسرائيل مش هيعملوا كدة ، أظن ده كان موجود حاجة شبيه ليه في الدولة الفرعونية وده إمتداد له ، بس الكهنة كانوا بيسرقوا قدامي المصريين الهبل إللي كانو بيقدموا قرابين للألهة والمفروض أساسا كانوا يقتنعوا إن مفيش ألهة من أساسه ، زى ” إله البدنجانة ” و” إله عصير زعزوعة القصب ” و ” إله التفاؤول ” و ” إله نبات البانجو ” كانوا هُبل عادى كان لسة مفيش تطور عقائدى ، علي الرغم من إن كان عندهم تطور في العلوم زى ” الفلك ” و ” شجرة الجميز ” وإخترعولنا ” القُولة ” إللي إستخدمتها شرين بعد كدة في قولة حُبنا .
المهم مش عاوز أوجع دماغكوا فدعاة الشر حينما يكونوا من أهل الدين بتبقي العملية ” وسخة ومقرفة ” عشان كدة علمنا علي العيال بتوع الإخوان ، وبرضو العيال بتوع حزب الفول طبعا سيبونا من خلتي سلفية وطنط عواطف ، متتغروش بالدقن الطويلة مكان فيه واحد من طوخ إسمه ” عبد الونيس ” والواد إللي كان متجوز رقاصة ” وأوعزت له كالشيطااااااااان وقالت له ” مناخيرك كبيرة ، الناس تقول علي أيه متجوزة واحد مناخيره كبيرة ، إنت عاوز يطلع علي إللي متجوزة أبو مناخير كبيرة ” والأهطل مشي في طريق الضلااااال والشيطان وعمل عملية تجميل ولما خرج بقي طبعا واد منخيره مسمسمة وأد النبقة ، طبعا شكلة بقي حاجة كدة مقطع ، المهم قالت له قول إن الواد ممس ولا نمس طلع علي وثبتني طبعا أنت عملت فيها السبع رجالة ضربك ، طلع قال الكلمتين دول إتفضح والدكتور إللي عمله العملية فضحوا وبالمستندات ” أه ملف كان متظبط ليه ” مقلب وشربه الشيخ ، هي اللعبة كدة وساخة في وساخة ، عشان كدة قولنا علماء الدين يبقوا علي جنب ونضاف ميتلوثوش ، أكيد في ناس محترمة كتير .
المهم برضو مش هو ده بيت القصيد بيت القصيد هو لماذا تترك الأمور لتصل إلي هذا الحد ولمصلحة مَنْ ، طيب بتاع العمة ده يشطب الشقة علي حساب الوزارة ليه هو ده من بنود مرتبه ، يعني بياخد مرتب زائد مميزات عينية ، قولوا لنا عشان لو الموضوع بالوضع ده يبقي نشوف حقوقنا وباقي الموظفين المتكحرتين إللي مبيقبضوش ٣٠ ألف جنيه في الشهر ، يظبطوا حالهم ، ولا ده كان حرام ، طيب لما يكون حرام طيب ده شيخ ، واللي عرضوا عليه بعمم مش ده حرام برضوا ، ولما هو حرام طيب دول مشايخ ، مش المفروض يبقي العقاب مغلظ ، مضاعف يعني يعني لو الرجل المفروض ياخد سنتين سجن يبقي المفروض ياخد أربعة وست سنين ، ولا الكلام مش راكب ، طيب لو مش راكب ، يا ريت يزودوا مستشفيات الأمراض العقلية أحسن ما يزودوا السجون ، ويكسبوا في الناس ثواب .
